श्री कुलस्वामी खंडेराय देवस्थान, वडज

श्री कुलस्वामी खंडेराय देवस्थान हे पुणे जिल्ह्यातील जुन्नर तालुक्यातील वडज या गावी, मीना नदीच्या काठावर वसलेले आहे. जुन्नर शहरापासून हे अंतर साधारण ५ किमी आणि पुण्याहून साधारण ९० किमी आहे. मूळ स्थान गावाला लागून असलेल्या भंडारा डोंगरावरील ‘जोगधा’ येथे आहे.

भाविकांसाठी मंदिर दररोज सकाळी ५:०० ते सायंकाळी ७:३० या वेळेत दर्शनासाठी उघडे असते. त्रिकाल आरती व कौल सकाळी ६:००, दुपारी ११:३० आणि सायंकाळी ४:३० वाजता होतो, तसेच सायंकाळी ७:०० वाजता संध्याकाळची आरती होते.

मार्गशीर्ष शुद्ध षष्ठीस ‘चंपाषष्ठी उत्सव’ आणि माघ शुद्ध पौर्णिमेस वर्षातील सर्वात मोठी ‘माघ पौर्णिमा यात्रा’ मोठ्या उत्साहात साजरी होते. या दिवशी पादुकांची पालखी मिरवणूक व भंडाऱ्याची उधळण होते. याशिवाय दसरा उत्सव व अखंड हरिनाम सप्ताह साजरा केला जातो.

इ.स. १९६६ मध्ये स्थापन झालेल्या देवस्थान ट्रस्टतर्फे इ.स. १९७६ पासून अत्यंत कमी खर्चात सामूहिक विवाह सोहळे आयोजित केले जातात. येथे दरवर्षी सुमारे सहाशे विवाह संपन्न होतात.

होय, बाहेरगावाहून येणाऱ्या भाविकांसाठी देवस्थान परिसरात स्वच्छ भक्तनिवास आणि प्रसादाची सोय उपलब्ध आहे. अधिक माहितीसाठी देवस्थान कार्यालयाशी (+91 7709530031) संपर्क साधावा.

किल्लेवजा दोन बुरूज व पांढऱ्या घोड्याचा पुतळा असलेले भव्य दगडी प्रवेशद्वार, मारुतीची मूर्ती, नंदी सभामंडप, चांदीचा नक्षीदार गाभारा, मंदिरासमोरील बोरीचे झाड व त्यातील स्वयंभू पाषाण मूर्ती, ऐतिहासिक दगडी दीपमाळ आणि महादेव, विठ्ठल-रुक्मिणी, राम-लक्ष्मण-सीता, गणपती, दत्त व संत तुकाराम महाराज यांची उपमंदिरे परिसरात आहेत.